Yfirlýsing vegna samkomubanns í fyrri hluta nóvember

Vegna Samkomubanns fyrir 10 og fleiri út af Coronavírusinum eru eftirtaldar breytingar í starfi kirknanna í Ólafsvíkur- og Ingjaldshólsprestakalli til 17. nóvember. Gæta þarf sérstaklega að 2 metra reglunni og grímunotkun ef ekki er unnt að tryggja fjarlægð.

(Uppfært 24. nóvember.)

Almennar guðsþjónustur verða helgistundir án kórs, samkvæmt plani, en með fjöldatakmörkunum. Að sjálfsögðu verður hlýtt öllum tilmælum sóttvarnalæknis vegna þeirra og annara athafna. Leitað leiða til að streyma athöfnum.

Félagsstarf takmarkast af tilmælum sóttvarnarlæknis.

Skírn og hjónavígsla geta farið fram, en samband þarf að hafa við sóknarprest.

Jarðarför fer fram í kirkju. Kirkjugestir þurfa að verða færri en 30. 2 metri þurfa að vera á milli ótengdra kirkjugesti í öllum athöfnum og því þarf að takmarka fjöldann jafnvel enn frekar. Í báðum kirkjum geta menn einnig setið niðri og fylgst með athöfn á mynd. Jarðarfarir geta farið fram í kyrrþey. Hægt verður að taka upp athafnir í Ólafsvík og fá afrit af athöfn. Kistan er ekki snert.

Fermingar fara fram með fjöldatakmörkunum og tilmælum sóttvarnalæknis. Altarisganga fer fram í sérathöfn.

Kirkjan lokar ekki.

Hún býður upp á þjónustu. Munið að við erum kirkjan, fólkið sem tilheyrir henni. Það erum við sem höldum henni uppi og hverju öðru með fyrirbænum. Við skulum styrkja og efla bænagjörðir okkar á þessum reynslutímum.

Hægt er að koma fyrirbænarefnum til sóknarprests í síma 844-5858 og í netfang prestur@kirkjanokkar.is.

Einnig er hægt að fá viðtalstíma, bæði í síma og í kirkjunni.

Förum varlega og umvefjum hvert annað í bænum og kærleika.

Sóknarnefndir Ólafsvíkur- og Ingjaldshólssókna og Óskar Ingi Ingason, sóknarprestur.

Gestir:10737 Gestir í dag: 4 Gestir í allt: 918583