Yfirlýsing frá kirkjunum vegna breytinga í september á samkomubanni

Vegna Samkomubanns fyrir 200 og fleiri út af Coronavírusinum eru eftirtaldar breytingar í starfi kirknanna í Ólafsvíkur- og Ingjaldshólsprestakalli. Gæta þarf sérstaklega að 1 metra reglunni.

(Uppfært í september.)

Almennar guðsþjónustur verða samkvæmt plani, en með fjöldatakmörkunum. Að sjálfsögðu verður hlýtt öllum tilmælum sóttvarnalæknis vegna þeirra og annara athafna.

Félagsstarf takmarkast af tilmælum sóttvarnarlæknis, en er að öðruleiti hefðbundið.

Skírn og hjónavígsla geta farið fram, en samband þarf að hafa við sóknarprest.

Jarðarför fer fram í kirkju. Kirkjugestir þurfa að verða færri en 200. 1 metri þurfa að vera á milli ótengdra kirkjugesti í öllum athöfnum og því þarf að takmarka fjöldann jafnvel enn frekar. Í báðum kirkjum geta menn einnig setið niðri og fylgst með athöfn á mynd, þar er hægt að koma allt að 100 í viðbót samkvæmt tilmælum sóttvarnalæknis. Jarðarfarir geta farið fram í kyrrþey. Hægt verður að taka upp athafnir í Ólafsvík og fá afrit af athöfn. Kistan er ekki snert.

Fermingar fara fram með fjöldatakmörkunum og tilmælum sóttvarnalæknis. Altarisganga fer fram í sérathöfn.

Kirkjan lokar ekki.

Hún býður upp á þjónustu. Munið að við erum kirkjan, fólkið sem tilheyrir henni. Það erum við sem höldum henni uppi og hverju öðru með fyrirbænum. Við skulum styrkja og efla bænagjörðir okkar á þessum reynslutímum.

Hægt er að koma fyrirbænarefnum til sóknarprests í síma 844-5858 og í netfang prestur@kirkjanokkar.is.

Einnig er hægt að fá viðtalstíma, bæði í síma og í kirkjunni.

Förum varlega og umvefjum hvert annað í bænum og kærleika.

Sóknarnefndir Ólafsvíkur- og Ingjaldshólssókna og Óskar Ingi Ingason, sóknarprestur.

Gestir:482 Gestir í dag: 3 Gestir í allt: 612970