Yfirlýsing vegna samkomubanns í febrúar

Vegna Samkomubanns fyrir 20 og fleiri út af Coronavírusinum eru eftirtaldar breytingar í starfi kirknanna í Ólafsvíkur- og Ingjaldshólsprestakalli til 3. mars. Gæta þarf sérstaklega að 2 metra reglunni og grímunotkun ef ekki er unnt að tryggja fjarlægð. Í fjölda er ekki prestur og starfsfólk kirkjunnar eða börn fædd 2005 eða síðar. Aðeins 20 mega vera í safnaðarheimili vegna veilsa og útleigu.

Almennar guðsþjónustur verða samkvæmt plani, en með fjöldatakmörkunum, allt að 150 manns. Að sjálfsögðu verður hlýtt öllum tilmælum sóttvarnalæknis vegna þeirra og annara athafna. Leitað leiða til að streyma athöfnum.

Félagsstarf takmarkast af tilmælum sóttvarnarlæknis.

Skírn og hjónavígsla geta farið fram, og geta verið allt að 150 viðstaddir, en samband þarf að hafa við sóknarprest.

Útför fer fram í kirkju. Kirkjugestir þurfa að verða færri en 150. 2 metrar þurfa að vera á milli ótengdra kirkjugesti í öllum athöfnum og því þarf að takmarka fjöldann jafnvel enn frekar. Í báðum kirkjum geta menn einnig setið niðri og fylgst með athöfn á mynd. Jarðarfarir geta farið fram í kyrrþey. Hægt verður að taka upp athafnir í Ólafsvík og fá afrit af athöfn. Kistan er ekki snert.

Fermingar fara fram með fjöldatakmörkunum og tilmælum sóttvarnalæknis, allt að 150 manns. Altarisganga fer fram í sérathöfn.

Kirkjan lokar ekki.

Hún býður upp á þjónustu. Munið að við erum kirkjan, fólkið sem tilheyrir henni. Það erum við sem höldum henni uppi og hverju öðru með fyrirbænum. Við skulum styrkja og efla bænagjörðir okkar á þessum reynslutímum.

Hægt er að koma fyrirbænarefnum til sóknarprests í síma 844-5858 og í netfang prestur@kirkjanokkar.is.

Einnig er hægt að fá viðtalstíma, bæði í síma og í kirkjunni.

Förum varlega og umvefjum hvert annað í bænum og kærleika.

Sóknarnefndir Ólafsvíkur- og Ingjaldshólssókna og Óskar Ingi Ingason, sóknarprestur.

Gestir:2124 Gestir í dag: 3 Gestir í allt: 1106385