Kirkjur í Þjóðkirkjunni

Bjór og sálmar föstudaginn 27. september

Langholtskirkja - Miðv.d., 18/09/2019 - 17:03

Föstudaginn 27. september endurtekur Kór Langholtskirkju leikinn og býður til kvöldstundar með sálmasöng og bjór í safnaðarheimili kirkjunnar kl. 20:00.

Bjór- og sálmakvöld hafa verið haldin í kirkjum bæði hérlendis og erlendis og vakið mikla lukku. Kórinn stóð fyrir sams konar viðburði 1. mars í ár, þar sem sönggleðin var við völd. Líkt og þá verða það kórstjórarnir Magnús Ragnarsson og Þorvaldur Örn Davíðsson sem leika undir og stýra fjöldasöng, jafnt rödduðum sem órödduðum. Á meðan verður hægt að kaupa sér veigar og snarl á sanngjörnu verði. Bjór og sálmar er liður í fjáröflun kórsins, sem stefnir á að fara í keppnisferð til Póllands í júní 2020.

Tekið skal fram að hér fá allar raddir að heyrast og allir eru hvattir til að taka undir í sálmunum. Þá er vitaskuld ekki gerð krafa um að hver og einn fái sér í tána, enda verður söngurinn í fyrirrúmi.

The post Bjór og sálmar föstudaginn 27. september appeared first on Langholtskirkja.

Minningartónleikar um Jóhann Jóhannsson

Hallgrímskirkja - Miðv.d., 18/09/2019 - 16:10

Texti tekinn af auglýsingu viðburðar: 

Tónleikar í Hallgrímskirkju í tilefni þess að Jóhann hefði orðið 50 ára í september, laugardaginn 21. september kl. 20.

Fluttir verða kaflar úr mörgum af fegurstu verkum Jóhanns í umsjá Unu Sveinbjarnardóttur, Ólafs Björns Ólafssonar og Skúla Sverrissonar ásamt strengjasveit. Eftir hlé Virðulegu Forsetar í heild sinni undir stjórn Guðna Franzsonar.

Tónleikarnir eru haldnir í samvinnu við The Jóhann Jóhannsson Foundation sem fjölskylda og vinir Jóhanns stofnuðu í fyrra til að halda minningu hans á lofti og láta gott af sér leiða í hans nafni. Eins og áður sagði hefði Jóhann orðið 50 ára 19.september og er hans minnst með tónleikum víða um heim nú í haust

Aðgangseyrir: 5.900 kr. Miðasala er inn á tix.is.

thejohannjohannssonfoundation.org

https://www.facebook.com/thejohannjohannssonfoundation/

OPIÐ HÚS

Laugarneskirkja - Miðv.d., 18/09/2019 - 15:15

14. sunnudagur eftir trínitatis, 22. september 2019:

Áskirkja - Miðv.d., 18/09/2019 - 13:08

Messa og barnastarf kl. 11:00. Kristný Rós Gústafsdóttir djákni og Jens Elí Gunnarsson annast samverustund sunnudagaskólans. Séra Sigurður Jónsson sóknarprestur prédikar og þjónar fyrir altari. Félagar úr Kór Áskirkju syngja, organisti Bjartur Logi Guðnason. Kaffisopi í Ási eftir messu.

Haustmessa eldriborgararáðs

Digraneskirkja - Miðv.d., 18/09/2019 - 13:08

Haustmessa Eldriborgararáðs verður haldin í samvinnu við Hjalla- og Digranessöfnuði í Digraneskirkju sunnudaginn 22. september kl. 11:00. Sr Karen Lind Ólafsdóttir predikar og þjónar fyrir altari ásamt Þóreyju Dögg Jónsdóttur djákna. Organisti er Lára Bryndís Eggertsdóttir og einsöngvari er Anna Sigríður Helgadóttir. 

Eftir messuna verður boðið upp á veitingar í safnaðarheimili kirkjunnar. 

Allir eru innilega velkomnir og takið með ykkur gesti!

Haustmessa Eldriborgararáðs

Reykjavíkurprófastsdæmi eystra - Miðv.d., 18/09/2019 - 11:22

Haustmessa Eldriborgararáðs

verður haldin í samvinnu við Hjalla- og

Digranessöfnuði í Digraneskirkju

sunnudaginn 22. september kl. 11:00.

Séra karen Lind Ólafsdóttir predikar og þjónar fyrir altari ásamt Þóreyju Dögg Jónsdóttur djákna.

 Organisti: Lára Bryndís Eggertsdóttir

Einsöngvari: Anna Sigríður Helgadóttir

Eftir messuna verður boðið upp á veitingar í safnaðarheimili kirkjunnar.

Allir eru innilega velkomnir og takið með ykkur gesti.

Messan er samstarfsverkefni

Eldriborgararáðs, Hjallakirkju og Digraneskirkju

Hauststarfið er hafið – fjölbreytt safnaðarstarf framundan

Lágafellskirkja - Miðv.d., 18/09/2019 - 10:55

Safnaðarbréf Lágafellssóknar kemur út um þessar mundir og ljóst er að safnaðarstarfið þetta haustið verður blómlegt.

Í fyrsta skiptið í vetur verður haldið núvitundarnámskeið fyrir börn 8 – 11 ára.

Þá verða á ný haldin námskeið sem byrjað var með á síðasta vetri  og nutu mikilla vinsælda. Það er annars vegar námskeiðið Sterkar og öflugar stelpur, námskeið í sjálfseflingu fyrir 10 – 12 ára stelpur og hins vegar námskeið fyrir drengi á aldrinum 13 – 15 ára sem ber nafnið Ungir menn á uppleið.

Einnig verður haldið námskeið í Kyrrðarbæn, kristinni hugleiðslu og íhugunarhópur fer af stað í kjölfarið.  Tólfspora starfið, Andlegt ferðalag –  Vinir í bata hefst í október.

Hefðbundið safnaðarstarf fyrir unga jafnt sem aldna sem hefur fest sig í sessi í gegnum árin er að sjálfsögðu líka til staðar eins og t.d. Foreldramorgnar, Prjónakaffi, Hefðbunið barnastarf eins og Sunnudagaskóli,  TTT barnastarf og æskulýðsfélagið er að sjálfsögðu á sínum stað og Kirkjukór Lágafellssóknar býður nýja söngvara velkomna. Við hvetjum alla Mosfellinga til að kynna sér öflugt starf sóknarinnar.

 

Sunnudagurinn 22. september

Lindakirkja - Miðv.d., 18/09/2019 - 10:02

Barnakór Lindakirkju kemur í heimsókn í sunnudagaskólann kl. 11 og mun syngja þrjú lög og svo munum við að sjálfsögðu syngja sunnudagaskólasöngvana okkar, heyra biblíusögu og margt margt fleira.

Kl. 20 er guðsþjónusta og eru fermingarbörn og fjölskyldur þeirra sérstaklega boðin velkomin. Kór Lindakirkju leiðir lofgjörð undir stjórn Óskars Einarssonar en auk þess fáum við tónlistaratriði frá fermingarbörnum. Sr. Dís Gylfadóttir þjónar.

Velkomin í Lindakirkju á sunnudaginn.

Rafræn skráning í barna og æskulýðsstarf

Selfosskirkja - Þri, 17/09/2019 - 21:33

Nú er opið fyrir skráningar í barna og æskulýðsstarf kirkjunnar. Fylgið þessari slóð og finnið viðeigandi hóp.

https://selfosskirkja.skramur.is/login.php

Máttugur miðvikudagur

Lindakirkja - Þri, 17/09/2019 - 15:59

Máttugur miðvikudagur: lofgjörð og bænastund verður miðvikudaginn 18. sept. kl. 20 í safnaðarsal Lindakirkju. Þetta eru hugljúfar og notalegar stundir þar sem sungin eru lofgjörðarlög, flutt hugvekja og/eða vitnisburður og einnig er boðið upp á fyrirbæn. Í lok stundarinnar gefst tækifæri til að staldra við, fá sér kaffisopa og spjalla.

Allir hjartanlega velkomnir

Guðsþjónusta í Lágafellskirkju

Lágafellskirkja - Þri, 17/09/2019 - 15:55

Guðsþjónusta verður í Lágafellskirkju sunnudaginn 22. september kl. 11:00. Sr. Kristín Pálsdóttir mun koma sem gestaprestur og leiða helgihaldið. Það er ánægjulegt þar sem Kristín hefur í tvígang starfað hér um lengri tíma og fögnum við því að hún þjóni í Lágafellskirkju. Kirkjukór Lágafellssóknar syngur að venju undir stjórn Þorvaldar Arnar Davíðssonar. Verið öll velkomin til kirkju!

Sunnudagur 22. september -Fjölskylduguðþjónusta.

Glerárkirkja - Þri, 17/09/2019 - 15:42

Fjölskylduguðþjónusta kl. 11:00 í umsjá Sunnu Kristrúnar djákna og Margrétar Árnadóttur kórstjóra. Undirleik annast Valmar Väljaots organisti. Stundin verður með óhefbundnu sniði. Við sýnum kærleika í verki innandyra sem utan. Kirkjukaffi að stund lokinni.

Fyrsta kyrrðarstundin í vetur!

Hallgrímskirkja - Þri, 17/09/2019 - 15:15

Hvern fimmtudag kl. 12 yfir vetrartímann er ljúf kyrrðarstund í hádeginu. Kyrrð er góð fyrir sál og líkama. Björn Steinar Sólbergsson leikur á orgelið í kyrrðarstundinni 19. september kl. 12.

Sr. Irma Sjöfn Óskarsdóttir hugleiðir. Allir velkomnir.

Eftir kyrrðarstund mun Kristinn kirkjuvörður bera fram súpu í Suðursal.

Foreldramorgnar í kórkjallara

Hallgrímskirkja - Þri, 17/09/2019 - 14:39

Foreldramorgnar verða í kórkjallaranum, miðvikudaginn 18. september kl. 10 – 12 eins og alla miðvikudaga í vetur.
Foreldrar eða forráðamenn eru hjartanlega velkomin með krílin og krúttin. Umsjón hafa Kristný Rós Gústafsdóttir og Ragnheiður Bjarnadóttir.

Uppskerumessa, sunnudagaskóli og Selmessa

Grafarvogskirkja - Þri, 17/09/2019 - 14:28

Á sunnudag verður uppskerumessa í kirkjunni kl. 11. Þar þökkum við fyrir gott og gjöfult sumar, uppskeru sumarsins verður safnað saman og hún síðan boðin upp eftir messu. Kirkjugestir mega gjarnan koma með eitthvað sem tengist uppskeru haustsins, t.d.  dæmis grænmeti, kartöflur, ávexti, brauð, kökur, sultur eða hvað annað sem því dettur í hug. Góðgætinu verður stillt upp í kór kirkjunnar, það borið út að lokinni messu og síðan boðið upp. Ágóðinn af uppboðinu rennur í líknarsjóð Grafarvogskirkju. Séra Arna Ýrr Sigurðardóttir þjónar í messunni, organisti er Hákon Leifsson og Kór Grafarvogskirkju leiðir söng.

Á neðri hæð kirkjunnar verður sunnudagaskóli kl. 11. Umsjón hefur Hólmfríður Frostadóttir og undirleikari er Stefán Birkisson. Söngvar, sögur, myndband og límmiðar.

Selmessa verður í Kirkjuselinu í Spöng kl. 13. Séra Sigurður Grétar Helgason prédikar og þjónar. Organisti er Hilmar Örn Agnarsson og Vox Populi leiðir söng.

Árdegismessa

Hallgrímskirkja - Þri, 17/09/2019 - 14:23
Árdegismessa

Miðvikudaginn 18. september kl. 8 mun sr. Irma Sjöfn Óskarsdóttir messa ásamt messuþjónum.
Tilvalið tækifæri til að byrja daginn snemma í góðu samfélagi. Morgunmatur eftir messu.

Allir hjartanlega velkomnir.

Kolefnisjöfnun í Skálholti

Hallgrímskirkja - Þri, 17/09/2019 - 14:00

Á Degi náttúrunnar 16. september og innan Tímabils sköpunarverksins í kirkjunni var haldið í Skálholt síðdegis með langferðabíl frá Snæland Grímssyni. Um 20 manns frá Hallgrímskirkju, 11 frá Biskupsstofu með biskup í fararbroddi og 3 úr Breiðholtssókn voru með í för.
Í Skálholti tóku á móti okkur Kristján Björnsson vígslubiskup, séra Halldór Reynisson, formaður umhverfisnefndar kirkjunnar, og Hreinn Óskarsson, skógræktarstjóri Suðurlands.
Við fengum fræðslu um grunnatriði í plöntun, svokallaða gróðursetningargeispu, sem er mikið galdraverkfæri,  og tilkomumikl plöntuvesti sem settu svip á mannskapinn. Svo héldum við út á afmarkaðan reit fyrir ofan Sumarbúðir þjóðkirkjunnar þar sem 200 birkiplöntur, 200 furugræðlingur, 200 sitkagreni plöntur og 200 asparstilkar voru gróðursettir í rofabörð og áburði dreift yfir. Að lokinni gróðursetningu sameinuðust allir í helgunarathöfn eftir nýju messusniði sem sérsamið hefur verið til athafna af þessu tagi. Veðrið var bjart og sólríkt, loftið tært og svalt og haustfegurðin alltumlykjandi. Síðan var haldið í Sumarbúðir í ljúffengan kvöldskatt hjá Skálholtskokki þar sem Helga K. Diep úr Hallgrímssöfnuði lagði til sætmeti eins og henni einni er lagið. Komið tilbaka að Hallgrímskirkju um kl. 21 eins og áætlað var.

Þessi ferð í Skálholt var einstaklega vel heppnuð og mun lengi geymast í minni. Hér er um að ræða brautryðjendastarf sem framhald  verður á og breiðist vonandi út meðal safnaða. Á næsta ári verður væntanlega hægt að reikna út nákvæmt kolefnisspor fyrir Hallgrímssöfnuð og planta í samræmi við það. Ég tel þó öruggt við höfum amk jafnað kolefnismetin fyrir árið 2019 með gróðursetningunni í Skálholti eins og umhverfisnefnd Hallgrímskirkju ætlaðist til og sóknarnefnd ákvað á síðasta ári.

Frá Hallgrímskirkju fóru m.a. Júlíana, Bára, Ása, Helga, Sesselja, Guðrún , Ásdís, Einar Karl, Steinunn, Ásthildur, Jóna, Dagný, séra Irma Sjöfn, Jóna Guðrún, Sveinn Helga, Hjördís og Broddi.

Einar Karl

 

 

Tólf spora starfið hefst miðvikudaginn 25. september

Árbæjarkirkja - Þri, 17/09/2019 - 13:49

Tólf spora starfið hefst að nýju 25. september og verður í allan vetur. Tólf spora starfið hentar öllum sem í einlægni vilja vinna með tilfinningar sínar í þeim tilgangi að öðlast betri líðan og meiri lífsfyllingu með því að leita styrks í kristinni trú. Þetta er einstætt tækifæri til sjálfsskoðunar og sjálfsstyrkingar í góðra vina hópi. Fyrst eru þrír kynningarfundir þar sem fólk hefur tækifæri til að kynna sér prógrammið. Það eru allir velkomnir á þessa fundi og ekki þörf á að skrá sig fyrirfram. Fyrsti opni fundurinn verður miðvikudaginn 25. september kl. 19:00. Næsti opni fundurinn verður 2. október, þriðji opni fundurinn er 9. október en á fjórða fundi 16. október verður hópunum lokað og reiknað með að þau sem mæta þá ætli að vera með fram á vorið. (Best er að mæta á alla opnu fundina) Fundirnir verða síðan vikulega á miðvikudögum kl. 19:00-21:00 á efri hæð kirkjunnar.

 

Félagstarf eldriborgara miðvikudaginn 18.september kl: 13:10.

Guðríðarkirkja - Þri, 17/09/2019 - 10:59
Félagstarf eldriborgara. Helgistund í kirkjunni, söngur og gaman. Dr. Arnar Eggert Thoroddsen heimsækir okkur og fjallar um þróun dægurtónlistar á Íslandi í tali og tónum. Kaffiveitingar kr. 700.- Hlökkum til að sjá ykkur. sr. Leifur Ragnar, Hrönn og Lovísa.

Síður

Subscribe to Ólafsvíkur- og Ingjaldshólsprestakall aggregator - Kirkjur í Þjóðkirkjunni