Efnisveitur

Sögustund 2 – Utan við eggjaskurnina

Efnisveita Þjóðkirkjunnar - Þri, 10/07/2018 - 20:54

Utan við eggjaskurnina
Mynd 1
Einu sinni voru litlir ungar í eggi. Þeir þurftu að hnipra sig saman og það var ósköp þröngt þar inni. Þetta voru litlir tvíburaungar. Annar unginn sagði við hinn: – Heyrðu, bróðir minn sæll, heldurðu að það sé eitthvað fyrir utan eggjaskurnina?
-Nei systir mín góð, það held ég ekki, sagði bróðirinn, mikið spyrðu heimskulega.
-Mér bara datt þetta svona í hug, sagði systirin og klóraði sér hugsi í höfðinu með vængjunum sem var kirfilega fastur upp við eggjaskurnina. Ég var nefnilega að vona að ungamamma væri þar.
-Ungamamma, sagði bróðirinn hneykslaður. Það er ekkert til sem heitir „ungamamma“.
-En svo var ég líka að hugsa um hvað við erum orðin stór. Ég man þá tíð þegar það var nægilegt pláss hérna fyrir okkur bæði. Þá gátum við farið í eltingaleik og synt í eggjahvítunni, hlegið og leikið okkur. En núna erum við orðin svo stór að við getum varla hreyft okkur.
Mynd 2
Og það var satt. Ungarnir litlu voru nánast flæktir hvor við annan. Fóturinn á öðrum þeirra var fastur upp við stélið á hinum og það var orðið svo þröngt að þeir gátu varla opnað gogginn til þess að tala.
-Veistu það, systir góð, sagði hinn unginn, að ég á afar bágt með að trúa því að það sé nokkur skapaður hlutur fyrir utan eggjaskurnina. Þar er ekkert, bara svart og tómt.
-Nei, sagði systirin, ég trúi því að það sé eitthvað mjög fallegt fyrir utan eggjaskurnina og nú ætla ég að gogga í hana og gá hvort ég get búið til lítið gat!
-Nei, ekki gera það, sagði bróðirinn örvæntingarfullur. Myrkrið sem er fyrir utan eggjaskurnina gæti lekið hingað inn til okkar – og hvað verður um okkur þá?
-Ég er ekkert hrædd við það, sagði systirin, enda er ekki pláss fyrir okkur hérna miklu lengur. Svona! Hjálpaðu mér nú að gera gat á eggjaskurnina!
Og systirin byrjaði að gera gat á eggjaskurnina.
Mynd 3
Bróðirinn lokaði augunum og hélt fast fyrir hlustirnar með vængjunum. –Hættu þessu eins og skot, pípti hann. En systirin lét öll mótmæli sem vind um eyru þjóta og hélt ótrauð áfram.
-Ég held að það sé að koma gat, sagði hún hreykin.
-Hættu þessu segi ég, eins og skot! Æpti bróðirinn.
Mynd 4
-Nei, nei, hvað sé ég, sagði systirin og hún var meira en lítið undrandi. Það er ekki myrkur þarna úti.
-Nú, hvað er það þá? Spurði bróðirinn önugur og vantrúaður. Það er örugglega ekkert þarna.
-Ó! Jú, sagði systirin. Það er skjannabirta. Ég hef aldrei séð neitt þessu líkt. Komdu bróðir og sjáðu.
Bróðirinn mjakaði sér nær opinu og kíkti út. Það var ekki um að villast, þvílík birta. Þau flýttu sér að gogga stærra gat á skurnina. Þau gogguðu og gogguðu og gogguðu. Nú var gatið orðið svo stórt að þau gátu næstum því rekið höfuðið út um það.
-Leyfðu mér fyrst, sagði bróðirinn og tróðst í gegnum gatið og út í stóru veröldina sem hann hafði aldrei trúað að væru þarna.
Mynd 5
-Þetta er stórkostlegt, pípti hann.
Á hæla hans kom systir hans út í stóru veröldina. Þau sáu varla nokkurn hlut fyrir sólskininu.
-En hvað er þetta, sagði bróðirinn við systur sína.
Systirin leit upp og þá sá hún ungamömmu í fyrsta sinn.
-Þetta hlýtur að vera ungamamma, ég vissi að hún væri til, sagði hún.
Litlu ungarnir flýttu sér að skríða undir hlýjan og mjúkan væng ungamömmu og nutu þess að vera kominn í öruggan og fiðraðan faðm mömmu.

Flokkar: Efnisveitur

Bangsablessun

Efnisveita Þjóðkirkjunnar - Þri, 10/07/2018 - 15:22

Bangsablessun

(Hafið vatn í skál við höndina)

Ávarp:

Góði Guð vertu með okkur hér á þessum blessaða degi tuskudýranna. Megi kærleikur þinn umvefja okkur og vera mitt á meðal okkar í samfélagi við þig.

Blessun:

Mönnum og tuskudýri (segja tegund og nafn) hjálpar þú Drottinn.

Vertu með Xx og fjölskyldu hans/hennar. Amen.

(Blessið öll tuskudýrin og farið svo með bænina hér að neðan)

Bæn:

Takk góði Guð fyrir öll tuskudýrin sem hér eru saman komin. Takk fyrir að þau hjálpi börnunum að sofna á kvöldin og verndi þau meðan þau sofa á nóttinni. Takk fyrir að þau séu góðir leikfélagar á daginn. Takk fyrir mýkt þeirra og hlýtt faðmlag. Amen.

Flokkar: Efnisveitur

Sögustund 2 – Glataði sonurinn

Efnisveita Þjóðkirkjunnar - Þri, 10/07/2018 - 13:40

Glataði sonurinn

Lúkas 15.11-32

Mynd 1

– Pabbi, þegar þú deyrð, hver eignast þá alla peningana þína og allt sem þú átt?

– Þú, drengur minn. Þú eignast helminginn af öllu sem ég á en bróðir þinn fær hinn helminginn.

– Vá! Við verðum þá ríkir þegar þú deyrð, sagði strákurinn og eitt andartak fór hann að láta sig dreyma um allt sem hann gæti gert fyrir peningana sem hann fengi. En svo fór hann að hugsa. Hann vildi alls ekki missa pabba sinn. Það væri alls ekki gaman að fá alla peningana þegar hann væri dáinn, því þá yrði hann svo sorgmæddur. Hann vildi frekar hafa pabba hjá sér en alla peningana í heiminum. En brátt fór strákurinn aftur að hugsa um hvað hann gæti gert fyrir peningana. Hann gæti ferðast fyrir þá og keypt sér falleg föt. Svo gæti hann búið í dýru og fínu húsi sem hann gæti keypt sér og haft þjóna á hverjum fingri.

Mynd 2

Allt í einu fékk hann snjalla hugmynd. – Pabbi, get ég ekki bara fengið minn hluta af peningununum strax, fyrst ég á að fá þá hvort sem er? Pabba stráksins þótti ákaflega vænt um hann og vildi allt fyrir hann gera. Þótt honum litist ekki vel á hugmyndina þá ákvað hann samt að láta son sinn fá peningana. Strákurinn tók græðgislega við þeim og ákvað síðan að fara út í heiminn og freista gæfunnar.

Mynd 3

Hann byrjaði á því að fara til borgarinnar. Þar eyddi hann peningunum sínum í skemmtanir, sælgæti, dýran og fínan mat og alls kyns óþarfa. Hann eignaðist fullt af nýjum vinum og eyddi peningunum líka í þá. En einn góðan veðurdag voru allir peningarnir búnir. Það var ekki ein króna eftir. Hann reyndi að fá vini sína til þess að lána sér svolitla peninga, en þeir vildu ekki vera vinir hans lengur og brátt varð strákurinn aleinn eftir.

Mynd 4

Strákurinn varð að fá sér vinnu. En það var ekki auðvelt. Loks fékk hann vinnu við það að hugsa um svín á bóndabæ nokkrum í útjaðri borgarinnar.

Í laun fékk hann að borða sama mat og svínin. Svínin voru ekki hreinleg og maturinn þeirra var ógeðslegur. Nú sá strákurinn eftir því að hafa farið svona illa að ráði sínu. Hann langaði að fara aftur heim til pabba síns. En hann skammaðist sín svo mikið fyrir það að hafa eytt öllum peningunum í vitleysu að hann þorði varla að fara til hans aftur. En hvað gat hann svo sem gert?

Allt í einu fékk hann hugmynd. Hann gæti verið vinnumaður hjá pabba sínum. Hann þyrfti ekki að fá neitt kaup, bara mat að borða.

Glaður og bjartsýnn lagði strákurinn af stað heim á leið.

Mynd 5

Eftir langa göngu sá hann glitta í hús pabba síns í fjarska. Þegar hann kom nær sá hann að einhver kom hlaupandi á móti honum. – Hver gat þetta verið?

Sá sem kom hlaupandi kom með útbreiddan faðminn og hann hrópaði nafn hans: – Sonur! Ertu kominn heim? Nú sá strákurinn að þetta var pabbi hans. Strákurinn var glaður og feginn að sjá pabba sinn og þegar þeir mættust á veginum tók pabbinn strákinn sinn í stóra, mjúka og hlýja faðminn sinn og þrýsti honum að sér. Á leiðinni heim að húsinu sagði strákurinn við pabba sinn: – Leyfðu mér að vera hjá þér sem vinnumaður. En pabbinn lét sem hann heyrði þetta ekki og kallaði á þjónana sína og sagði við þá: – Útbúið stóra veislu. Sonur minn sem var týndur er fundinn.

Pabbinn elskaði son sinn þótt sonurinn hefði gert ýmislegt af sér. Svona elskar Guð öll sín börn heitt og jafnvel enn heitar en pabbinn í sögunni. Hann tekur á móti öllum í mjúka, hlýja og stóra faðminn sinn.

Flokkar: Efnisveitur

Stutt endursögn – Samverska konan

Efnisveita Þjóðkirkjunnar - fös, 06/07/2018 - 00:19

Einu sinni var samversk kona að ausa vatni upp úr brunni. Þá kom Jesús gangandi að. Hann var mjög þyrstur. Þegar konan sá Jesú varð hún feimin. Hún var viss um að Jesús mundi ekki vilja tala við hana. En Jesús talaði við konuna. Hann bað hana að gefa sér vatn að drekka úr brunninum. Konan gaf Jesú vatn að drekka. Þá sagði Jesús við konuna: Sá sem drekkur þetta vatn verður aftur þyrstur en ég get gefið þér vatn lífsins. Sá sem drekkur af því verður aldrei framar þyrstur. Hvað ætli Jesús hafi átt við með því?
Jóhannesarguðspjall 4:5-30

Til leiðbeinandans

Á þeim tíma sem þessi saga gerist voru konur svo lágt settar í þjóðfélaginu að á þær var varla yrt. Samverjar voru fyrirlitnir af Gyðingum. Sagan kennir okkur um mikilvægi jafnréttis og virðingar fyrir öllum.
Vatn lífsins er táknmynd um hið eilífa líf sem Jesús vann okkur með krossdauða sínum og upprisu.

Flokkar: Efnisveitur

Hlutverkaleikur og hlutbundin kennsla

Efnisveita Þjóðkirkjunnar - Fim, 05/07/2018 - 20:55
Hlutverkaleikur

Krakkarnir ganga inn í söguna og gerast ríkir og gjafmildir ríkisbubbar í musterinu og svo er það fátæka ekkjan með börnin sín tvö sem gefa 2 smá peninga. Lærisveinarnir og Jesús.

Hlutbundin kennsla: Eyrir ekkjunnar Hlutur

Lítil budda með tveimur krónum í.
Kennsla:
Í dag tók ég með mér litla peningabuddu og ég ætla að sýna ykkur hvað ég á mikinn pening í henni. Opnið budduna og kíkið ofan í. Þetta er nú ekki mikið. Sýnið krökkunum krónurnar. Veit einhver hvað þetta er mikið? Ein króna er minnsti peningur sem til er á Íslandi og þetta eru tvær krónur!! En þessar tvær krónur minna mig á svolítið sem ég las. Einu sinni sá Jesús margt ríkt fólk gefa mikla peninga til musterisins/kirkjunnar (á dögum Jesú var kristin kirkja ekki til). Þar sá hann fátæka ekkju (ekkja er kona sem er búin að missa manninn sinn). Þessi fátæka kona gaf tvo smápeninga, eins og þessar tvær krónur hérna. Ríka fólkið gaf mikinn pening en fátæka ekkjan bara tvær krónur. Samt sagði Jesús að hún hafi gefið mest. Þá meinti hann að hver einasta króna skipti ekkjuna miklu máli, miklu meira máli en fyrir fólkið sem átti nóga peninga. Samt gaf hún það sem hún átti.

Flokkar: Efnisveitur

Föndur – Páskadagur

Efnisveita Þjóðkirkjunnar - Miðv.d., 04/07/2018 - 18:49

Flokkar: Efnisveitur

Föndur – Hver er Jesús?

Efnisveita Þjóðkirkjunnar - Miðv.d., 04/07/2018 - 18:13

Jesús hittir alltaf í mark með boðskapi sínum.

Flokkar: Efnisveitur

Föndur – Týndi sonurinn

Efnisveita Þjóðkirkjunnar - Miðv.d., 04/07/2018 - 16:30

Hér að neðan eru ýmsir möguleikar á föndri.

Flokkar: Efnisveitur

Föndur – Gullna reglan

Efnisveita Þjóðkirkjunnar - Miðv.d., 04/07/2018 - 16:12

Flokkar: Efnisveitur

Föndur – Samverska konan

Efnisveita Þjóðkirkjunnar - Miðv.d., 04/07/2018 - 13:11

Brunnurinn þar sem samverska konan gaf Jesú vatn að drekka.

Flokkar: Efnisveitur

Föndur – Bartímeus blindi

Efnisveita Þjóðkirkjunnar - Miðv.d., 04/07/2018 - 11:32

Blindur fær sýn (teikni og litamynd í fylgiskjölum).

Flokkar: Efnisveitur

Föndur – Himnaríki

Efnisveita Þjóðkirkjunnar - Miðv.d., 04/07/2018 - 10:33

Guð sér hjörtu okkar.
Krakkarnir teikna stækkunargler og það sem þau vilja að Guð sjái í þeirra fari. Það getur verið hjarta, geislabaugur eða bros á vör.

Flokkar: Efnisveitur

Föndur – Freistingarfrásagan

Efnisveita Þjóðkirkjunnar - Þri, 03/07/2018 - 23:27

Í þetta sinn förum við í leik um það hvað er rétt og hvað er rangt.
Spyrjið einfaldra spurninga og aldursmiðað.
Glærur hér að neðan í fylgiskjölunum.

Flokkar: Efnisveitur

Föndur – Miskunnsami samverjinn

Efnisveita Þjóðkirkjunnar - Þri, 03/07/2018 - 22:45

Athugið fylgiskjalið hér að neðan.

Flokkar: Efnisveitur

Föndur – Eyrir ekkjunnar

Efnisveita Þjóðkirkjunnar - Þri, 03/07/2018 - 22:32

Guð elskar gjafmildi



Flokkar: Efnisveitur

Síður

Subscribe to Ólafsvíkur- og Ingjaldshólsprestakall aggregator - Efnisveitur