Efnisveitur

Biblíusaga – Miskunnsami samverjinn

Efnisveita Þjóðkirkjunnar - mánud., 28/05/2018 - 11:09

Hér hafið þið úr ýmsum möguleikum að velja:

Stóra flettimyndabiblían – Miskunnsami samverjinn

(Hver er náunginn minn? Sögustund II)

Flokkar: Efnisveitur

Stóra flettimyndabiblían – Miskunnsami samverjinn

Efnisveita Þjóðkirkjunnar - mánud., 28/05/2018 - 11:09
Biblíusaga 12.

Miskunnsami Samverjinn

 

Mynd 12a

Guð vill að fólkið í heiminum sé eins og ein stór fjölskylda. Guð skapaði heiminn og hann er okkar heimili. Guð vill að við förum vel með heiminn og elskum hvert annað. Hvort sem við erum hvít, svört eða brún, lítil, stór, mjó eða feit, þá eigum við heiminn saman og við erum öll jafn merkileg. Þetta var Jesús alltaf að kenna lærisveinum sínum. Einu sinni kom maður til hans og spurði hann: – Jesús, hvernig get ég alltaf verið lærisveinn þinn? og Jesús svaraði honum: -Með því að elska Guð og elska náungann eins og sjálfan þig. En þá spurði maðurinn hver væri náungi hans. Náunginn sem Jesús var að tala um eru allar þær manneskjur sem við hittum á hverjum degi. Við sem erum í kirkjustarfinu í dag erum öll náungar hvers annars. En Jesús sagði manninum sögu til að útskýra þetta fyrir honum og okkur öllum. Sagan er svona:

 

Mynd 12b

Eitt sinn var maður sem fór um hættulegan fjallveg. Vitið þið af hverju hann var hættulegur? (Leyfa börnunum að svara.) Það var af því að þar leyndust ræningjar sem réðust á fólk. Maðurinn var einn á ferð og hafði engan með sér sem gat hjálpað honum. Þegar hann var kominn áleiðis upp fjallið réðust ræningjar á hann, þeir rifu utan af honum fötin, börðu hann ógurlega fast og tóku dótið hans. Svo skildu þeir hann eftir, vegna þess að þeim var alveg sama um hann. Þetta voru ekki góðir náungar.

Skömmu síðar kom prestur gangandi. Hann sá særða manninn og vissi að hann þyrfti nauðsynlega hjálp. En presturinn varð hræddur, hann óttaðist að ræningjarnir myndu koma aftur og ráðast á hann svo hann flýtti sér í burtu. En brátt kom annar maður, sem var meðhjálparinn í musterinu. Hann sá líka særða manninn, en í stað þess að hjálpa honum fylltist hann af hræðslu og flýtti sér í burtu. Þessir tvær menn voru ekki náungar særða mannsins. En sem betur fer áttu fleiri erindi um þennan hættulega fjallveg. Allt í einu kom maður ríðandi á asna. Þetta var maður frá öðru landi. Útlendingur.

 

Mynd 12c

Þegar útlendingurinn sá særða manninn, stansaði hann og hann fór niður af asnanum. Hann var ekkert að hugsa um hvort ræningjarnir gætu komið aftur, hann hugsaði aðeins um særða manninn. Hann þvoði sárin hans og batt um þau svo að það kæmu ekki óhreinindi í þau. Síðan setti hann manninn upp á asnann og fór með hann í gistihús þar sem hann gat hvílst og orðið heilbrigður aftur. Og af því að ræningjarnir höfðu stolið öllu frá særða manninum borgaði útlendingurinn allt fyrir hann. Útlendingurinn og særði maðurinn þekktust ekkert, en útlendingnum þótti samt vænt hann vegna þess að hann vissi vel að þeir voru báðir börn Guðs. Hann vissi að við mennirnir eigum að koma fram við hvert annað eins og við séum ein stór fjölskylda. Við eigum að reynast hvert öðru góðir náungar.

 

*Ef þið eruð ekki með skjávarpa þá er þessi saga tekin úr Stóru flettimyndabiblíunni með forsíðumynd af Tveimur börnum að leik.

Flokkar: Efnisveitur

Biblíusaga – Faðir vor

Efnisveita Þjóðkirkjunnar - mánud., 28/05/2018 - 11:00

Hér hafið þið úr ýmsum möguleikum að velja:

Stóra flettimyndabiblían – Bænin

Flokkar: Efnisveitur

Stóra flettimyndabiblían – Bænin

Efnisveita Þjóðkirkjunnar - mánud., 28/05/2018 - 10:59

Biblíusaga 7.

Bænin

 

Mynd 7a

Hvað er það kallað þegar við tölum við Guð?

Það er kallað að biðja.

Í bæninni getum við beðið Guð um hjálp. Við getum líka þakkað honum fyrir allt sem hann hefur gefið okkur. Við getum þakkað honum fyrir foreldra okkar, heimili, vinina, ömmur og afa, leikskólana, skólana, kirkjuna, matinn, leikföng, dýrin og blómin.

Einu sinni komu lærisveinar og vinir Jesú til hans og báðu hann að kenna sér að biðja. Jesús sagði við þá að þegar þeir væru að biðja ættu þeir að tala á sama hátt og venjulega. Þegar við tölum við Guð megum við ekki vera að þykjast eða vera montin.

 

Mynd 7b

Jesús minnti vini sína líka á það að vera ekki að hugsa um eitthvað annað þegar þeir væru að tala við Guð. Við eigum ekki að bulla í bæninni og við eigum heldur ekki að vera hugsa eitthvað út í loftið á meðan við biðjum heldur einbeita okkur að því sem við erum að gera. Síðan kenndi hann þeim bæn sem kristið fólk hefur beðið út um allan heim í meira en tvö þúsund ár. Vitið þið hvaða bæn það er? Það er bænin Faðir vor. Nú skulum við biðja hana saman:

 

Faðir vor, þú, sem ert á himnum.

Helgist þitt nafn,

til komi þitt ríki,

verði þinn vilji,

svo á jörðu sem á himni.

Gef oss í dag vort daglegt brauð.

Og fyrirgef oss vorar skuldir,

svo sem vér og fyrirgefum vorum

skuldunautum.

Eigi leið þú oss í freistni,

heldur frelsa oss frá illu,

því að þitt er ríkið, mátturinn og

dýrðin að eilífu. Amen.

 

Mynd 7c

Við þekkjum öll þessa bæn. Kannski finnst samt mörgum erfitt að skilja hana.

Ég skal reyna að útskýra hana fyrir ykkur:

Í byrjun erum við að segja að við viljum að Guð ráði öllu í heiminum.

Svo biðjum við hann að gefa okkur nóg að borða.

Því næst biðjum við Guð að fyrirgefa okkur allt rangt sem við höfum gert, og biðjum hann að hjálpa okkur að fyrirgefa öðrum líka.

Í lok bænarinnar biðjum við Guð að gæta okkar og hjálpa okkur í lífinu. Síðan minnum við okkur sjálf á það hvað Guð er sterkur og góður.

Við getum alltaf talað við Guð, hvort sem við erum uppi á fjalli, uppi í rúmi, ofan í sundlaug eða í skólanum. Í rauninni getum við talað við Guð hvar sem við erum stödd.

*Ef þið eruð ekki með skjávarpa þá er þessi saga tekin úr Stóru flettimyndabiblíunni með forsíðumynd af Tveimur börnum að leik.

Flokkar: Efnisveitur

Stóra flettimyndabiblían – Sá sem vill vera mestur hjálpi hinum

Efnisveita Þjóðkirkjunnar - mánud., 28/05/2018 - 10:51

Biblíusaga 9

Sá sem vill vera mestur hjálpi hinum

 

Mynd 9a

Einu sinni kallaði Jesús lærisveinana til sín, til að kenna þeim mjög mikilvæga hluti. Hann vildi kenna þeim að hafa góð áhrif á umhverfi sitt og á annað fólk. Jesús sagði þeim að ef þeir vildu hafa góð áhrif yrðu þeir að geta hjálpað öðrum.

Jesús sagði að ef við vildum verða stórar og merkilegar manneskjur yrðum við að gera öðrum gagn. Jesús er mestur allra, en hann kom í heiminn til að hjálpa öllu fólki og svo gaf hann líf sitt fyrir okkur öll. Hann gaf allt, þess vegna er hann mestur allra. Við getum haft mikil áhrif á það hvernig öðrum líður í kringum okkur. Við eigum öll heimili og við þurfum að hugsa um það hvernig við erum inni á okkar eigin heimili:

– Erum við t.d. alltaf að heimta eitthvað? (Leyfa börnunum að svara.)

– Hvað gerist ef við erum alltaf að heimta og aldrei að hjálpa? (Leyfa börnunum að svara.) Þá verða mamma og pabbi þreytt og jafnvel reið.

– Hvað gerist ef við biðjum fallega? (Leyfa börnunum að svara.)

– Þá hlusta mamma og pabbi frekar. Við fáum kannski ekki alltaf það sem við biðjum um, þó að við biðjum fallega. En ef við biðjum fallega og erum dugleg að hjálpa, þá sjá mamma og pabbi að þau eiga börn sem eru stór og dugleg. Frekja gerir engan stóran.

 

Mynd 9b

Hvernig er inni á heimili þar sem fullorðna fólkið er ekki gott við hvert annað? (Leyfa börnunum að svara.) Þar sem fólk er ekki gott hvort við annað er vont að vera. Ef fullorðna fólkið hjálpast að og talar fallega hvert við annað, þá er gott að vera inni á heimilinu. Þetta vissi Jesús, þess vegna var hann alltaf að tala um það við lærisveinana að þeir hjálpuðu hver öðrum. Með því að hjálpast að verðum við stórar og góðar manneskjur.

Hafið þið hjálpað öðrum? (Leyfa börnunum að svara.)

Hvernig leið ykkur þá? (Leyfa börnunum að svara.)

Hvernig getið þið hjálpað mömmu, pabba, afa, ömmu eða vinum ykkar? (Leyfa börnunum að svara.)

Hvernig geta mamma, pabbi, afi, amma og vinirnir hjálpað ykkur? (Leyfa börnunum að svara.) Jesús sagði lærisveinum sínum líka að þeir ættu ekki að vera að metast. Vitið þið hvað það er að metast? (Leyfa börnunum að svara.) Það er að þykjast alltaf vera betri og merkilegri en aðrir. Jesús var aldrei að metast og hann vill ekki að börnin hans geri það. Hann vill bara að okkur langi af öllu hjarta til að vera hjálplegar og góðar manneskjur.

*Ef þið eruð ekki með skjávarpa þá er þessi saga tekin úr Stóru flettimyndabiblíunni með forsíðumynd af Tveimur börnum að leik.

Flokkar: Efnisveitur

Stóra flettimyndabiblían – Verum ekki áhyggjufull

Efnisveita Þjóðkirkjunnar - mánud., 28/05/2018 - 10:42

Biblíusaga 6.

Verum ekki áhyggjufull

 

Mynd 6a

Vitið þið hvað það er að vera áhyggjufullur?

Þeir sem eru áhyggjufullir eru fullir af áhyggjum.

Ef eitthvað er fullt þá er ekki pláss fyrir neitt meira í því.

Sem dæmi: Ef baðkarið er fullt af vatni alveg upp að brúnum, hvað gerist þá ef manneskja fer ofan í það til að baða sig? Þá flýtur fullt af vatni upp úr baðkarinu og allt gólfið fer á flot. Þá verður að ná í tusku til að þurrka upp vatnið. Þannig er það líka þegar við erum með hugann fullan af áhyggjum. Við verðum að segja frá þeim til þess að það sé pláss fyrir fleira í huga okkar. Alveg eins og við verðum að láta svolítið vatn renna úr fullu baðkarinu svo við komumst ofan í það án þess að allt fari á flot. Við megum ekki fylla hugann af áhyggjum, því þær eru þungar eins og grjót. Við verðum líka að hafa pláss fyrir gleði, nýjar hugmyndir og forvitni. Foreldrar okkar og Jesús geta hlustað á áhyggjur okkar og hjálpað okkur að líða betur.

 

Mynd 6b

Jesús sagði að við ættum ekki að vera áhyggjufull. Hann vill að hugur okkar sé fullur af gleði, forvitni og kærleika. Jesús bað okkur að skoða fuglana.

Fuglarnir hafa engar áhyggjur. Þeir fljúga syngjandi um og leita að ormum. Jesús sagði að við værum miklu flinkari en fuglarnir og þess vegna ættum við ekki að fylla huga okkar stöðugt af áhyggjum. Svo sagði Jesús okkur að skoða blómin.

Blómin gera ekki neitt, en samt eru þau í fallegri búningi en nokkur prinsessa. Þegar við verðum áhyggjufull skulum við hugsa til þessara orða Jesú og tala um áhyggjurnar við hann, því allar manneskjur eru einhvern tímann áhyggjufullar. En Jesús vill ekki að við séum ein og leið. Hann vill að við leyfum honum að heyra af hverju við verðum áhyggjufull. Jesús vill líka að við hjálpum hvert öðru að losa okkur við áhyggjurnar.

*Ef þið eruð ekki með skjávarpa þá er þessi saga tekin úr Stóru flettimyndabiblíunni með forsíðumynd af Tveimur börnum að leik.

Flokkar: Efnisveitur

Stóra flettimyndabiblían – Merkilegasta boðorð í heimi

Efnisveita Þjóðkirkjunnar - mánud., 28/05/2018 - 10:30

Biblíusaga 4.

Merkilegasta boðorð í heimi

 

Mynd 4a

Í dag ætla ég að kenna ykkur merkilegasta boðorð í heimi. Þetta er boðorð sem Guð gaf okkur. En boðorð eru í rauninni það sama og reglur.

Boðorðin geta hjálpað okkur heilmikið í lífinu. Það er nefnilega svo margt sem getur verið svolítið ruglingslegt. Þá er gott að hafa einhverjar reglur til þess að fylgja.

Merkilegasta boðorðið hljóðar svona: – Þú skalt elska Drottin, Guð þinn, af öllu hjarta þínu, allri sálu þinni, öllum mætti þínum og öllum huga þínum og náunga þinn eins og sjálfan þig.

 

(Hér er hægt að fara aftur yfir textann og láta börnin gera hreyfingar með. Þegar sagt er ,,af öllu hjarta” leggja þau hægri hönd á hjartastað, þegar þau segja ,,af allri sálu” er hægt að leggja vinstri hönd yfir hægra megin, þá eru hendur orðnar krosslagðar á brjóstinu. Síðan þegar sagt er ,,af öllum mætti” kreppa þau báða hnefa og sýna vöðvana. Þegar kemur að ,,öllum huga” er bent með báðum höndum á höfuðið og að lokum er bent á næsta mann þegar minnst er á náungann og bent á sjálfan sig að endingu. Þetta má endurtaka eins og leik þar til börnin læra versið.)

 

Mynd 4b

Við eigum ekki að elska Guð og náunga okkar bara pínulítið. Við eigum að elska Guð og alla menn eins og við elskum okkur sjálf. Við elskum ekki bara tærnar á okkur eða naflann. Við elskum okkur öll: Húðina, beinin, fæturna, hendurnar og líffærin inni í okkur. Við elskum hárin á höfðinu, tennurnar í munninum, eyrun, augun og nefið. Ef við meiðum okkur á þumalfingrinum, þá hugsum við ekki, ,,Iss! þetta er bara þumalfingurinn, mér er alveg sama um hann, því þumalfingurinn er hvort sem er svo lítill”. Nei! Við látum renna vatn á sárið og setjum plástur yfir, af því að okkur þykir vænt um fingurinn og það er eins og við finnum til í öllum líkamanum þótt sárið sé bara á einum fingri. Svona elskum við sjálf okkur mikið.

Við eigum ekki heldur bara að elska okkur sjálf svona mikið en aðrar manneskjur bara pínulítið, af því að við þekkjum þær ekki eins vel og okkur sjálf. Guð þekkir alla og vill að við elskum allt fólk af öllu hjarta, sálu, huga og mætti.

 

*Ef þið eruð ekki með skjávarpa þá er þessi saga tekin úr Stóru flettimyndabiblíunni með forsíðumynd af Tveimur börnum að leik.

Flokkar: Efnisveitur

Stóra flettimyndabiblían – Beðið eftir komu Jesú

Efnisveita Þjóðkirkjunnar - mánud., 28/05/2018 - 10:12

Biblíusaga 1.

Beðið eftir komu Jesú

 

Mynd 1a

Ég ætla að leggja fyrir ykkur létta gátu. Kannski getið þið giskað strax á rétta svarið.

Fyrst ætla ég að gefa ykkur nokkrar vísbendingar. Þið megið ekki svara fyrr en ég hef gefið ykkur allar vísbendingarnar:

Fyrsta vísbending:

Í kirkjunni eru til margar bækur. Ein bók er samt alveg sérstök. Hún segir okkur allt mögulegt um Guð og Jesú.

Önnur vísbending:

Þessi bók er til á flestum heimilum. Hún er með ofboðslega margar blaðsíður og þær eru mjög þunnar og stafirnir litlir.

Þriðja vísbending:

Inni í þessari bók eru í rauninni margar minni bækur.

Hvaða bók er þetta?

Jú, auðvitað Biblían!

Guð gaf okkur Biblíuna til þess að við gætum fræðst um hann og ríki hans.

Hér sjáið þið mynd af Jesú með stóra Biblíu. Sjáið þið stóra hjartað sem er á henni? Þetta hjarta segir okkur hvað Jesú þykir vænt um okkur og hvað hann þráir að við þekkjum hann betur. Þess vegna ætlum við að fræðast svolítið um Biblíuna í vetur og kynnast nokkrum af sögunum úr henni.

 

Mynd 1b

Ég sagði ykkur áðan að í Biblíunni væru í rauninni margar bækur. En Biblían skiptist líka í tvo hluta. Annar hlutinn heitir Gamla testamentið en hinn hlutinn heitir Nýja testamentið. Gamla testamentið segir okkur frá því sem gerðist áður en Jesús fæddist. En Nýja testamentið segir okkur frá því sem gerðist eftir að Jesús fæddist og meira að segja líka frá því sem gerðist eftir að hann dó og reis upp frá dauðum.

Á einum stað í Gamla testamentinu er bók sem heitir Spádómsbók Jesaja. Hún var skrifuð nokkrum hundruðum ára áður en Jesú fæddist.

Það sem er merkilegt við þessa bók er það að þótt Jesú væri ekki fæddur, er þar sagt ýmislegt um hann. Það er sagt að hann muni fæðast og færa fólki mikið ljós og gleði. Þar er meira að segja sagt frá því að hann muni fæðast í Betlehem. Svona er Biblían merkileg.

Hér sjáið þið mynd af litla Jesúbarninu. Hann liggur þarna baðaður í ljósi. Jesús er líka oft kallaður ljós heimsins.

 

Mynd 1c

Jesús átti frænda sem hét Jóhannes. Jóhannes hafði fengið mikið og merkilegt hlutverk hjá Guði. Guð hafði ætlað honum að undirbúa heiminn undir komu Jesú.

Jóhannes bjó í eyðimörkinni og klæddist fötum úr úlfaldahári. Hann borðaði engisprettur og drakk villihunang. Fólki fannst Jóhannes örugglega mjög skrýtinn en það hlustaði vel á það sem hann hafði að segja. Hann sagði að allir ættu að gæta þess að lifa heiðarlegu og góðu lífi. Margir vildu breyta lífi sínu til góðs og fóru til hans og lét hann skíra sig.

Þess vegna var hann alltaf kallaður Jóhannes skírari.

Fólkið þekkti söguna um barnið sem sagt er frá í Jesajabók og sumir héldu að  Jóhannes

væri þetta barn. En hann sagði fólkinu að í Jesajabók væri verið að tala um Jesú frá Nasaret. Hann sagði þeim að Jesús væri miklu máttugri, hann væri maðurinn sem myndi fylla heiminn af gleði, friði og réttlæti.

Hér sjáið þið mynd af Jóhannesi skírara að skíra fólk úti í á.

Flokkar: Efnisveitur

Biblíusaga – Beðið eftir komu Jesú

Efnisveita Þjóðkirkjunnar - mánud., 28/05/2018 - 10:09

Bangsablessun: Sögustund 2 + glærur – Beðið eftir komu Jesús FLM Tvö börn að leik

Flokkar: Efnisveitur

Sakkeus

Efnisveita Þjóðkirkjunnar - Fim, 24/05/2018 - 12:56

Saga 4 FLM (Jesús og börnin) + Bleika flettimyndabiblían/Sögustund II

*Ef þið eruð ekki með skjávarpa þá er þessi saga tekin úr Stóru flettimyndabiblíunni með forsíðumynd af Jesú og börnum.

Flokkar: Efnisveitur

Sagan um kristniboðann Pál

Efnisveita Þjóðkirkjunnar - Fim, 24/05/2018 - 11:37

Flettimyndabiblían (tvö börn að leik) Það sem þið gerðuð minnum minnsta bróður

*Ef þið eruð ekki með skjávarpa þá er þessi saga tekin úr Stóru flettimyndabiblíunni með forsíðumynd af Tveimur börnum að leik.

Flokkar: Efnisveitur

Biblíusaga – Himnaríki

Efnisveita Þjóðkirkjunnar - Fim, 24/05/2018 - 11:31

Hvar er Guð? Guð í samskiptum manna á millum. Kærleiki, hlustun og einlægni. Sýnum að líðan annarra skipti okkur máli. Á ég að gæta bróður míns?

Flokkar: Efnisveitur

Biblíusaga – Sá sem vill vera mestur hjálpi hinum

Efnisveita Þjóðkirkjunnar - Fim, 24/05/2018 - 11:24

Hér hafið þið úr ýmsum möguleikum að velja:

“Sá sem vill vera mestur hjálpi hinum (Sæluboðin-leyndarmálið um gleðina)
FML: “Tvö börn að leik”

Flokkar: Efnisveitur

Verum ekki áhyggjufull

Efnisveita Þjóðkirkjunnar - Fim, 24/05/2018 - 11:19

Saga 6 FLM Verum ekki áhyggjufull (Tvö börn að leik)

*Ef þið eruð ekki með skjávarpa þá er þessi saga tekin úr Stóru flettimyndabiblíunni með forsíðumynd af Tveimur börnum að leik.

Flokkar: Efnisveitur

Jesús og börnin

Efnisveita Þjóðkirkjunnar - Fim, 24/05/2018 - 11:12

Saga úr nokkrum FLM: Tvö börn að leik, Jesús og börnin og Bleika flettimyndabiblían.

*Ef þið eruð ekki með skjávarpa þá er þessi saga tekin úr Stóru flettimyndabiblíunum.

Flokkar: Efnisveitur

Fjölskylda Jesú

Efnisveita Þjóðkirkjunnar - Fim, 24/05/2018 - 10:57

Saga 2 í FLM Fjölskylda Jesú (tvö börn að leik)

*Ef þið eruð ekki með skjávarpa þá er þessi saga tekin úr Stóru flettimyndabiblíunni með forsíðumynd af Tveimur börnum að leik.

Flokkar: Efnisveitur

Góðir ávextir

Efnisveita Þjóðkirkjunnar - Fim, 24/05/2018 - 10:29

Flettimyndasaga – nr 3 Góðir ávextir – Tvö börn að leik

*Ef þið eruð ekki með skjávarpa þá er þessi saga tekin úr Stóru flettimyndabiblíunni með forsíðumynd af Tveimur börnum að leik.

Flokkar: Efnisveitur

Síður

Subscribe to Ólafsvíkur- og Ingjaldshólsprestakall aggregator - Efnisveitur