Batamessa í Ingjaldshólskirkju

Í fyrsta sinn í Snæfellsbæ er boðið upp á batamessu í Ingjaldshólskirkju kl. 20 sunnudaginn 21. október.

Batamessur eru messur þar sem er unnið út frá 12 sporunum eins og í vinum í bata. Áhersla á virkni og upplifun. Sjón er sögu ríkari.
Léttar veitingar á eftir. Allir velkomnir.

Um batamessur segir á vef Vina í bata:

Í batamessu sameina prestur og Vinir í bata krafta sína í viðkomandi kirkju og bjóða öðrum Vinum í bata til sín í messu, sem við köllum batamessu. Batamessurnar eru leið til að styðja við batann, vettvangur fyrir Vini í bata til að koma saman, hvort sem þeir eru búnir að fara sporin eða eru að fara sporin, ekki síður en að átta sig á þvi að það er fólk víðar heldur en í þeirra kirkju/stað að kljást við sama verkefni. Batamessur eru þarfur og mikilvægur liður í starfi Vina í bata og markmið þeirra er að styðja/ styrkja 12 spora iðkandann í því að viðhalda batanum. Allir geta komið og átt notalega og uppbyggilega stund í batamessu. Eftir messuna er boðið upp á létta hressingu, þar sem Vinir í bata geta sest niður og spjallað saman.

Í prestakallinu er öflugt starf vina í bata.

Dagsetning: 
Sunnudagur, 21 október, 2012 - 20:00