Kirkjan Okkar

Lionsklúbbur Ólafsvíkur afhenti nýlega sóknarnefnd Ólafsvíkurkirkju þrjú hundruð þúsund króna styrk í söfnun fyrir lyftu til að bæta aðgengi inn í kirkjuna. Tröppurnar inn í kirkjuna eru háar og mikill farartálmi fyrir marga sem treysta sér þess vegna ekki til að fara í kirkju. Safnast hefur tæplega fjórtán hundruð þúsund, en kostnaður vegna lyftunnar er á bilinu 2,5- 3 milljónir. Lyftan verður staðsett í barðinu við tröppurnar, sömu megin og inngangurinn í safnaðarheimilið.

Kirkjugarðsnefndir Ólafsvíkur-, Ingjaldshóls- og Brimilsvallakirkjugarða minna á að gæta þarf að minnismerki í görðunum séu örugg og ekki völt.

Slys gera ekki boð á undan sér.

Aðstandendur eru beðnir um að skoða minnismerki sinna ástvina og lagfæra ef þarf.

Ólafsvíkursókn óskar að ráða hljóðfæraleikara í 21% starf.

Messur eru tvisvar sinnum í mánuði og kóræfingar einu sinni í viku.

Um er að ræða tónlistarflutning við athafnir og undirleik á kóræfingum.

Stöður kirkjuvarða í Ólafsvíkurkirkju eru auglýstar lausar til umsóknar.

Í starfi fellst m.a. þrif á kirkju og safnaðarheimili, bókanir á sal og eftirlit. Um er að ræða tvær stöður sem eru 20% starf hvor. Skipta aðilar milli sín kirkjuvörslu eftir nánari samkomulagi.

Einn aðili getur einnig tekið bæði störfin að sér, jafnvel tekið að sér aðeins þrif og mokstur.