keltnesk helgiganga

Helgiganga með keltneskum brag í Þjóðgarðinum Snæfellsjökli

Laugardaginn 28. júní verður efnt til helgigöngu í Þjóðgarðinum Snæfellsjökli í samstarfi við Átthagastofu Snæfellsbæjar, lista og menningarnefnd Snæfellsbæjar, Ingjaldshólskirkju og Starfshóp þjóðkirkjunnar um helgistaði á föruleiðum.

Gengið verður frá Öndverðarnesi að Gufuskálum. Mæting er við Ingjaldshólskirkju kl. 13 og þaðan ekið að Gufuskálum í eigin bílum (eða keyra beint að Gufuskálum) og ekið út á Öndvarðarnes í rútu þar sem fyrsta helgistundin verður haldin. Þaðan verður gengið í áföngum eftir ströndinni að Gufuskálum, ýmist í þögn eða samræðum. Áð verður reglulega, haldnar stuttar helgistundir sem sr. Óskar Ingi Ingason, sóknarprestur, og sr. Gunnþór Þ. Ingason, prestur á svið þjóðmenningar, stýra. Sæmundur Kjartansson segir sögur af merkum atburðum, minnisstæðu fólki ásamt þjóðlegum fróðleik sem tengist leiðinni og lífi fólks að fornu og nýju. Göngufólk les ritningarorð og fornsögutexta.

Þetta er í þriðja sinn sem slík helgiganga er farin í Þjóðgarðinum og í þetta sinn með nokkuð öðru sniði en áður.

Eftir gönguna verður boðið upp á kaffisopa í safnaðarheimili kirkjunnar á Ingjaldshóli.

Gengið er um fornan varðaðan stíg og eru allir hjartanlega velkomnir.

Nauðsynlegt er að vera vel skóaður og hafa drykkjarvatn með sér sem og annað nesti. Ekkert þátttökugjald.

Fleiri myndir af helgigöngu og messu 30. september

Hér eru nýjar myndir af helgigöngunni á sunnudag og úr messunni á Ingjaldshóli.

Myndirnar tók Skúli Alexandersson, en hann átti drjúgan þátt í að þessum helgigöngum var komið hér á, auk þess að hann sagði frá sögunni og aðstæðum á Írskubrunni á sunnudag.

Sunnudagur til sælu!

Dagurinn í dag hófst í Ingjaldshólskirkju klukkan 11 með sunnudagaskóla. Mjög vel var mætt af bæði börnum og foreldrum. Tókst stundin vel og gott að hafa stóran hóp umsjónarmanna sem allir stóðu sig vel.

Helgiganga með keltneskum brag og messa

Sunnudaginn 30. sept. verður efnt til helgigöngu frá Gufuskálum kl. 12 sem lýkur með messu í Ingjaldshólskirkju kl. 14. Helgistundir með keltnesku trúarívafi verða haldnar á Gufuskálum, við Írskrabrunn og við steinhleðslur í flæðarmálinu.
Þetta er í annað sinn sem slík helgiganga er farin, en helgigangan fyrir tveimur árum vakti athygli og ánægju.

Subscribe to RSS - keltnesk helgiganga