Sóknarprestur kveður söfnuðina

Óskar Ingi Ingason mun kveðja söfnuðina í sameiginlegri guðsþjónustu safnaðanna þann 10. júlí klukkan 14 í Ingjaldshólskirkju.

Hann lýkur formlega störfum í prestakallinu 2. september, en síðasti starfsdagur hans er 22. júlí, en fer svo í sumarfrí.

Óskar Ingi kveður söfnuðina með söknuði, þakkar fyrir allan auðsýndan stuðning og vináttu á síðustu 10 árum og biður söfnuðunum, sóknarnefndum, samstarfsfólki og íbúum Guðs blessunar.

Laus staða meðhjálpara á Ingjaldshóli

Staða meðhjálpara í Ingjaldshólskirkju er auglýst laus til umsóknar.

Í starfinu fellst undirbúningur, frágangur og aðstoð í tengslum við athafnir kirkjunnar og umsjón með kirkjugarði og leiðum. Um er að ræða lítið hlutastarf. Messur eru einu sinni í mánuði. Umsækjandi þarf að geta hafið störf í haust.

Allar frekari upplýsingar eru hjá Hafþóri Svanssyni, sóknarnefndarformanni (s: 896-6328), og Óskari Inga Ingasyni, sóknarpresti (s: 844-5858. Netfang: prestur (hjá) kirkjanokkar.is)

Sóknarnefnd Ingjaldshólssóknar.